كلمة الأستاذ محمد قويسم من ثانوية محمد الفاسي التأهيلية في حق الأستاذ لحسن الدويب

من طرف lahcen douieb الثلاثاء مارس 30, 2010 6:02 pm

كلمة الأستاذ محمد قويسم من ثانوية محمد الفاسي التأهيلية
في حق الأستاذ
لحسن الدويب من ثانوية ابن الياسمين الإعدادية
بمناسبة حفل تكريمه

السلام عليكم ورحمة الله

بسم الله الرحمن الرحيم، يقول رسول الله صلى الله عليه وسلم" من أسدى إليكم معروفا فكافئوه، فإن لم تجدوا ما تكافئوه فادعوا له حتى تعلموا أنكم قد كافأتموه" .

السي لحسن الأخ ديالنا والأستاذ ديالنا، موقف في الحقيقة، موقف غادي نمر منه كاملين، ولكن نتمنى على الله يعطينا الله شوية ديال الشجاعة اللي أعطاه الله سبحانه وتعالى.

السي لحسن أستاذ قرى لوليدات ديالنا وحاول يغرس فيهم اللغة الفرنسية، ويقريهم مزيان ويعطيهم واحد اللغة متينة، هذه من جهة..

من جهة أخرى، السي لحسن من الناس اللي واحد الوقت توقفنا عليه من بين المحسنين، لا هوولا السيدة الكريمة ديالو في بناء تسقيفة ديال المسجد، ما نساوش.. واخه كنت قلتلي ما تقولهاش وخليه عمل لوجه الله الكريم، ولكن، كنتكلم بهذا الكلام انطلاقا من الآية الكريمة:"

" إِن تُبْدُواْ الصَّدَقَاتِ فَنِعِمَّا هِيَ وَإِن تُخْفُوهَا وَتُؤْتُوهَا الْفُقَرَاء فَهُوَ خَيْرٌ لُّكُمْ وَيُكَفِّرُ عَنكُم مِّن سَيِّئَاتِكُمْ وَاللّهُ بِمَا تَعْمَلُونَ خَبِيرٌ" صدق الله العظيم

السي لحسن غير بغينا نديرو التسقيفة للمسجد، كان يد بيضاء، يد بيضاء، أعطانا الفليسات، وعملنا وخلصنا وقمنا بالواجب ديالنا مع المحسنين، الله يجازيه بخير، واجعل عمله خالصا لوجه الله، واجعل خاتمته إن شاء الله خاتمة خير ويهدينا ويهديه ويجعلنا من المومنين الطائعين التائبين لله والسلام عليكم ورحمة الله.